Tuesday, 03.19.2024, 9:25 AM
My site

Kaala Bhairavaashtakam


 

Kaala Bhairavaashtakam

devarāja sevyamāna pāvanāṅghri paṅkajaṃ
vyāḷayaṅña sūtramindu śekharaṃ kṛpākaram |
nāradādi yogibṛnda vanditaṃ digambaraṃ
kāśikāpurādhinātha kālabhairavaṃ bhaje || 1 ||

bhānukoṭi bhāsvaraṃ bhavabdhitārakaṃ paraṃ
nīlakaṇṭha mīpsitārdha dāyakaṃ trilocanam |
kālakāla mambujākṣa mastaśūnya makṣaraṃ
kāśikāpurādhinātha kālabhairavaṃ bhaje || 2 ||

śūlaṭaṅka pāśadaṇḍa pāṇimādi kāraṇaṃ
śyāmakāya mādideva makṣaraṃ nirāmayam |
bhīmavikramaṃ prabhuṃ vicitra tāṇḍava priyaṃ
kāśikāpurādhinātha kālabhairavaṃ bhaje || 3 ||

bhukti mukti dāyakaṃ praśastacāru vigrahaṃ
bhaktavatsalaṃ sthitaṃ samastaloka vigraham |
nikvaṇan-manoṅña hema kiṅkiṇī lasatkaṭiṃ
kāśikāpurādhinātha kālabhairavaṃ bhaje || 4 ||

dharmasetu pālakaṃ tvadharmamārga nāśakaṃ
karmapāśa mocakaṃ suśarma dāyakaṃ vibhum |
svarṇavarṇa keśapāśa śobhitāṅga nirmalaṃ
kāśikāpurādhinātha kālabhairavaṃ bhaje || 5 ||

ratna pādukā prabhābhirāma pādayugmakaṃ
nitya madvitīya miṣṭa daivataṃ nirañjanam |
mṛtyudarpa nāśanaṃ karāḷadaṃṣṭra bhūṣaṇaṃ
kāśikāpurādhinātha kālabhairavaṃ bhaje || 6 ||

aṭṭahāsa bhinna padmajāṇḍakośa santatiṃ
dṛṣṭipāta naṣṭapāpa jālamugra śāsanam |
aṣṭasiddhi dāyakaṃ kapālamālikā dharaṃ
kāśikāpurādhinātha kālabhairavaṃ bhaje || 7 ||

bhūtasaṅgha nāyakaṃ viśālakīrti dāyakaṃ
kāśivāsi loka puṇyapāpa śodhakaṃ vibhum |
nītimārga kovidaṃ purātanaṃ jagatpatiṃ
kāśikāpurādhinātha kālabhairavaṃ bhaje || 8 ||

kālabhairavāṣṭakaṃ paṭhanti ye manoharaṃ
ṅñānamukti sādhakaṃ vicitra puṇya vardhanam |
śokamoha lobhadainya kopatāpa nāśanaṃ
te prayānti kālabhairavāṅghri sannidhiṃ dhruvam ||

Login form
Search
Our poll
Rate my site
Total of answers: 38
Site friends
  • Create a free website
  • Online Desktop
  • Free Online Games
  • Video Tutorials
  • All HTML Tags
  • Browser Kits
  • Statistics

    Total online: 1
    Guests: 1
    Users: 0